20240131 సాయంత్రం ప్రసంగం

ఈ క్రిందిది పరమ పూజ్య జయపతాక స్వామి మహారాజ్ గారు జనవరి 31, 2024న భారతదేశంలోని జుహులో ఇచ్చిన సాయంకాల ప్రసంగం.

జయపతాకా స్వామి : హరిబోల్! నితాయ్! గౌరాంగ! ఇంతమంది భక్తులను చూసి నాకు చాలా ఆనందంగా ఉంది. కానీ నేను భక్తులందరి కోసం ఆంగ్లంలో మాట్లాడతాను, మీరు అర్థం చేసుకోగలరు. నాకు పక్షవాతం వచ్చినప్పటి నుండి నా ముఖం పక్షవాతానికి గురైనందున, నా మాట స్పష్టంగా లేదు, అందువల్ల నేను చెప్పినది పునరావృతం చేయబడుతుంది.

నేను ముంబైకి వచ్చి చాలా కాలం అయ్యింది. ఇక్కడ ఉండటం నాకు చాలా సంతోషంగా ఉంది. మీ అందరినీ చూసినందుకు నాకు ఆనందంగా ఉంది! మనమందరం అయోధ్యలోని రామ మందిరం యొక్క ప్రాణ-ప్రతిష్ఠను చూశాము .

శాస్త్రాలలో చెప్పబడిన దాని ప్రకారం, శ్రీ చైతన్య ప్రభువు ఒక చుక్క కృష్ణ ప్రేమను ప్రసాదిస్తే , ఈ విశ్వమంతా వరదతో నిండిపోతుంది! మనమందరం శ్రీ కృష్ణునిలో భాగమే, మనము జీవశక్తి స్వరూపులం . మనం భగవంతునికి సేవ చేసినప్పుడు, పవిత్ర నామాలను జపించినప్పుడు, ఈ ఆధ్యాత్మిక ఆనందాన్ని పొందగలం. ప్రజలు ఏదో ఒక భౌతిక ఇంద్రియ సుఖంతో తాము సంతోషంగా ఉంటామని అనుకుంటారు. ఈ భౌతిక ప్రపంచంలో మనసులో ఒక చిప్‌ను అమర్చే ప్రతిపాదన ఉందని ఈ రోజు వార్తలలో చదివాను. ఆ చిప్ ద్వారా మీరు ఏది ఆలోచిస్తే అది చేయవచ్చు. కానీ అది మంచిదో కాదో మనకు తెలియదు, ఎందుకంటే దాని వల్ల ఎలాంటి దుష్ప్రభావాలు ఉంటాయో మనకు తెలియదు. అసలు విషయం ఏమిటంటే, మనము శరీరం అనే భావన ఉంది. కానీ మనము ఆత్మ అనే నిజాన్ని ఎవరూ అర్థం చేసుకోవడం లేదు. కృష్ణుని సేవలో తమ శరీరాన్ని ఎలా ఉపయోగించాలో ప్రజలకు తెలియదు. మన పూర్వాచార్యులలో కొందరికి , వారి పిల్లలు కూడా ఆచార్యులే కావడం నేను చూశాను . శ్రీల ప్రభుపాద గారు, "నా గురువు ఒక ఆచార్యుడు , నేను ఆయన శిష్యుడిని" అని చెప్పారు. ఆయన తండ్రి శ్రీల భక్తివినోద ఠాకూర్. కాబట్టి ఆ భార్యాభర్తలు కృష్ణ చైతన్యం, దీర్ఘాయువు, ఆరోగ్యం గల సుపుత్రుని కోసం జగన్నాథుడిని ప్రార్థించారు .

భీముడు జరాసంధుడిని ఓడించినప్పుడు, కృష్ణుడు 20,000 మంది రాజులను విడుదల చేశాడు. ఆ సమయంలో జరాసంధుడు రాజులందరినీ బంధించి, వారిని శివునికి బలిదానంగా ఇవ్వాలనుకున్నాడు. చివరికి జరాసంధుడు సంహరించబడ్డాడు మరియు అతని కుమారుడు రాజు అయ్యాడు. బందీలుగా ఉన్న రాజులందరూ విడుదలయ్యారు. కృష్ణుడు వారికి మంచి వస్త్రాలు, చక్కని రథాలు, మంచి భోజనం ఇచ్చాడు. వారు వెళ్ళే ముందు , "మీరు పిల్లలను కనడానికి ప్రయత్నించినప్పుడు నా గురించి ఆలోచించండి" అని వారితో చెప్పాడు . ఆ విధంగా భగవంతుడు ప్రతి ఒక్కరూ గర్భాదాన సంస్కారం చేయాలని కోరుకున్నాడు. మీరు కృష్ణుడిని ప్రార్థించి, గర్భాదాన సంస్కారం చేస్తే , మీకు కృష్ణ చైతన్యం గల బిడ్డ కలగవచ్చు. కానీ దానికి ఎటువంటి హామీ లేదు. అద్వైత గోశాంతికి ఆరుగురు పిల్లలు, వారిలో ముగ్గురు స్మార్త-బ్రాహ్మణులు మరియు ముగ్గురు వైష్ణవులు. ఆ విషయం మనకు తెలియదు. కానీ గృహస్థులు ఈ మార్గాన్ని ప్రయత్నించాలి. అయితే, బ్రహ్మచారులు పరమహంసలుగా మారి , తమ సమయాన్నంతా కృష్ణుని సేవలో గడపాలి. కలియుగంలో సన్యాసిగా ఉండటం మంచిది కాదు. కృష్ణ చైతన్యం గల భార్యాభర్తలు కలిసి కృష్ణునికి సేవ చేయాలని మేము కోరుకుంటున్నాము. కాబట్టి, ఈ రోజు నేను ఏమి మాట్లాడాలి?

శ్రీ చైతన్య ప్రభువు, శ్రీ నిత్యానందునితో బెంగాల్‌లో మన పని ఇంకా పూర్తి కాలేదని చెప్పారు . బెంగాల్‌లో ఇంకా చాలా పని మిగిలి ఉంది. అందువల్ల శ్రీ చైతన్య ప్రభువు, శ్రీ నిత్యానందునితో మీరు నాకు సహాయం చేసి బెంగాల్‌కు తిరిగి వెళ్లి, అసంపూర్తిగా మిగిలిపోయిన పనిని పూర్తి చేయండి అని చెప్పారు. శ్రీ చైతన్య ప్రభువు భారతదేశమంతటా పర్యటించారు. ఆయన ద్వారకలోని గుజరాత్‌కు , ఆ తర్వాత మహారాష్ట్ర వైపు వెళ్లారు. మహారాష్ట్ర ఒక రకమైన పుణ్యక్షేత్రం. సంత్ తుకారాముడు ఇక్కడే ఉండేవారు. ఆయన పవిత్ర నామాలను జపించి , గరుడుని ద్వారా భగవద్ధామానికి తిరిగి వెళ్లారు. హరిబోల్! గౌరాంగ! నిత్యానంద!

బెంగాల్‌లో మహిళలు ఉలు-ధ్వని చేస్తారు. శ్రీ నిత్యానంద ప్రభువు, శ్రీ చైతన్య ప్రభువు ఆజ్ఞ మేరకు జగన్నాథ పురి నుండి బెంగాల్‌కు వెళ్లారు. మొదట, ఆయన పాణిహాటి చేరుకున్నారు. రాఘవ పండితుడు ఒక వంటవాడు. అతను, “మీరు ఎంతమంది భక్తులు?” అని అడిగాడు . శ్రీ నిత్యానంద ప్రభువు, “50 మంది” అని చెప్పారు. “సరే,” ఆయన అన్నారు. “నువ్వు వెళ్లి గంగానదిలో స్నానం చెయ్యి, నేను ప్రసాదాన్ని సిద్ధంగా ఉంచుతాను.” రాఘవ పండితుడు మరియు అతని సోదరి దమయంతి ఒక గంటలో 50 మంది భక్తుల కోసం విందు వండారు. మీకు కొంచెం ప్రసాదం ఇవ్వగలిగితే ఎంత బాగుండునో . నేను ఇప్పుడు మీకు మానసికంగా ప్రసాదం ఇస్తాను! పంచడానికి గుడిలో ఏదైనా తీపి ప్రసాదం ఉంటే .

భగవాన్ నిత్యానంద స్నానం చేసి తన 50 మంది సహచరులతో తిరిగి వచ్చి అద్భుతమైన ప్రసాదం స్వీకరించారు. ఈ రోజు మనం 15 నుండి 20 నిమిషాల పాటు కునుకు తీయాలని వార్తలలో చదివాను. అందుకని ఆ కునుకు తర్వాత భగవాన్ నిత్యానంద వీరాసనంలో కూర్చున్నారు . ప్రతి భక్తుడు ఆయన ముందుకు వచ్చి నాట్యం చేయడం ప్రారంభించారు. ఆ తర్వాత భగవాన్ నిత్యానంద స్వయంగా నాట్యం చేయడం మొదలుపెట్టారు. ఆయన నాట్యం చేస్తుండగా, భగవాన్ చైతన్య ఇలా అన్నారు, "ఆయన ఎక్కడ ఉన్నా, ఆయన నాట్యం చూడటానికి అక్కడే ప్రత్యక్షమవుతారు." భగవాన్ నిత్యానంద నాట్యం ఎంత అద్భుతంగా ఉందో మీరు ఊహించగలరు. అలా, భగవాన్ నిత్యానందకు భగవాన్ చైతన్య కనిపించారు. ఆయన నాట్యం ఆపేశారు. ఆయన ఇలా అన్నారు, "భగవాన్ చైతన్య మన మధ్యనే ఉన్నారు. చైతన్య మహాప్రభు మనతోనే ఉన్నారు. మీరు చూడలేరు, కానీ ఆయన దక్షిణ భారతదేశపు పూలమాల ధరించి ఉన్నారు. మీరు ఆయన పువ్వుల సువాసనను ఆస్వాదించగలరు." వెంటనే భక్తులందరూ గాలిలో సువాసనను పీల్చడం ప్రారంభించారు. ఆహా! ఆహా! ఆహా! శ్రీ చైతన్య ప్రభువు చేతిలోని పూల దండ సువాసన పీల్చగానే, అక్కడ ఒకరకమైన ప్రేమ వాయువులాంటిది వ్యాపించి , అందరూ దాని ప్రభావానికి లోనవుతున్నారు. ఈ కథ మీకు ఎలా అనిపిస్తుంది? నితాయ్-గౌర లీల యొక్క పారవశ్యానికి నోచుకోని భౌతికవాదుల గురించి ఆలోచించండి. గుజరాత్ నుండి ఇక్కడికి రైలులో వస్తున్నప్పుడు, ప్రజలు తాము ఈ శరీరమే అని ఎలా అనుకుంటారో అని నేను ఆలోచిస్తున్నాను. శ్రీ చైతన్య ప్రభువు దక్షిణ భారతదేశంలోని వివిధ గృహాలకు వెళ్ళినట్లే, ఆయన ప్రతి ఒక్కరితో ఇలా చెప్పారు, " యారే దేఖా, తారే కహా 'కృష్ణ'-ఉపదేశ" ( చైతన్య చరితామృతం, మధ్య 7.128) .  మీరు కలిసిన ప్రతి ఒక్కరికీ కృష్ణుని సందేశం గురించి చెప్పండి. ఆమారా ఆజ్ఞాయ గురు హనా తార' ఏ దేశ. కాబట్టి శ్రీ చైతన్య ప్రభువు ప్రతి గృహస్థునికి శ్రీ కృష్ణుని సందేశాన్ని ప్రచారం చేసే శక్తిని ఇచ్చారు . ముంబైలో మీరందరూ వారికి ప్రచారం చేయాలి. ఒకరు నన్ను అడిగారు, 'మేము ప్రయత్నిస్తాము, కానీ మా భర్తకు ఆసక్తి లేకపోతే ఏమిటి?'. మీరు బాలీవుడ్ గడ్డపై నివసించేవారు, మీరు నటనలో చాలా నిపుణులై ఉండాలి. భార్య అడగవచ్చు, 'ఇది భగవద్గీత, నాకు ఈ శ్లోకం అర్థం కావడం లేదు , మీరు వివరించగలరా?'. అతనికి తెలియదని మీకు తెలుసు, కానీ మీకు తెలియదన్నట్టుగా మీరు నటించండి.

కాబట్టి నిత్యానంద ప్రభువు మరియు ఆయన బృందం అనేక వారాల పాటు పాణిహాటి ఉత్సవాన్ని జరుపుకున్నారు. అక్కడ సుమారు 10,000 మంది ప్రజలు గుమిగూడారు. వారందరూ నాట్యం చేస్తూ, కీర్తనలు చేస్తూ ఉన్నారు మరియు ప్రతి ఒక్కరూ ఆధ్యాత్మిక శక్తితో నిండిపోయారు. కొంతమంది భక్తులు బెలూన్‌లలాగా లేదా కోతులలాగా ఒక చెట్టు నుండి మరొక చెట్టుకు దూకుతున్నట్లుగా చాలా ఎత్తుకు ఎగురుతున్నారు. కొంతమంది భక్తులు ఎంత బలంగా ఉన్నారంటే, వారు భారీ వృక్షాలను కూడా ఎత్తారు. ఒక వ్యక్తి 45 అడుగుల పొడవున్న వెదురు కర్రను ఎత్తాడు! అతను దానిని వేణువులా వాయిస్తున్నాడు. సాధారణంగా ఒక వ్యక్తి వెదురు కర్రను ఎత్తడమే కష్టం, ఇక వేణువులా వాయించడం ఎలా సాధ్యం! కానీ, అతను దానిని ఒక్క చేత్తో ఎత్తాడు. చివరకు, రాఘవ పండితుడు, మీరు ఇక్కడ ఇలాగే జపిస్తూ ఉంటే, చెట్లన్నీ వేళ్లతో సహా పెకిలించబడతాయని అన్నారు. ఆ తర్వాత నిత్యానంద ప్రభువు మరొక గ్రామానికి వెళ్లి చుట్టూ ప్రయాణించారు. ఆయన ఒక కంసాలి గ్రామానికి వెళ్లారు. సాధారణంగా, కంసాలిల మనసు కేవలం డబ్బు సంపాదించడంపైనే ఉంటుంది. కానీ నిత్యానంద ప్రభువు మరియు ఆయన సహచరుల సాంగత్యంతో, వారు భక్తులుగా మారి హరే కృష్ణ జపించడం ప్రారంభించారు.

కాబట్టి ఈ విధంగా శ్రీ నిత్యానంద మరియు శ్రీ చైతన్యుల లీలలు నిజంగా అద్భుతమైనవి! చూడండి, ప్రతి అవతారం ఒక నిర్దిష్ట భావంతో అవతరిస్తుంది. రావణుడు మానవులు మరియు జంతువులు తప్ప మరెవరి చేతిలోనూ చంపబడడని శివుడి నుండి ఒక ప్రత్యేక వరం పొందాడు. శ్రీరాముడు, “సరే నేను మానవుడిగా వస్తాను” అని అన్నాడు. దేవతలందరూ జంతువులుగా, వానరాలుగా వచ్చారు. వారు రావణుడితో మరియు అతని సైన్యంతో పోరాడారు. శ్రీరాముని భావం భిన్నంగా ఉంది, మరియు ఆయన ఒక పరిపూర్ణ రాజు. ఆయన వెళ్ళిపోయినప్పుడు అయోధ్య ప్రజలందరూ సరయూ నది ఒడ్డున ఆయనతో ఉన్నారు. ఆధ్యాత్మిక ప్రపంచంలో ఒక ధామం ఉంది, అదే రామ ధామం. శ్రీరామునికి ముందు నరసింహదేవుడు వచ్చాడు, ఆయన సగం సింహం, సగం మనిషి. కాబట్టి మనకు క్రింది స్థాయిలో ప్రహ్లాద మహారాజు మరియు నరసింహదేవుడు ఉన్నారు. నరసింహదేవుడు కోపించాడు. ఆయన బాల భక్తుడిని దూషించి, విమర్శించి, చంపడానికి ప్రయత్నించారు. అందుకే నరసింహదేవుడు తీవ్ర ఆగ్రహంతో వచ్చాడు. శ్రీకృష్ణుడు పరమేశ్వరుడిగా అవతరించాడు. తన యవ్వనంలో ఆయన గోవర్ధన పర్వతాన్ని ఎత్తి అద్భుత లీలలు చేశాడు. కురుక్షేత్రంలో ఆయన ఈ అద్భుతమైన యుద్ధం చేశాడు. మరియు ఆయన ఏ ఆయుధాన్ని ఎత్తలేదు. శ్రీకృష్ణుడు అర్జునుడి రథాన్ని నడిపాడు. కానీ శ్రీకృష్ణుడు భూమి భారాన్ని తేలిక చేస్తానని బ్రహ్మదేవుడికి మరియు భూమాతకు వాగ్దానం చేశాడు.

ద్వారకలో రుక్మిణి శ్రీకృష్ణునితో ఇలా చెప్పింది, “మీకు అన్నీ తెలుసు . సత్యలోకంలో బ్రహ్మ ఏమి చేస్తున్నాడో మీకు తెలుసు. కైలాసంలో శివుడు ఏమి చేస్తున్నాడో మీకు తెలుసు. అనంతమైన బ్రహ్మాండాలలో ఏమి జరుగుతుందో మీకు తెలుసు. కానీ మీకు తెలియని ఒక విషయం ఉంది. నాకు తెలుసు, రాధారాణికి తెలుసు, కానీ మీకు తెలియదు!” కృష్ణుడు ఆశ్చర్యపోయి, “నాకు తెలియనిది ఏమిటి?” అన్నాడు . ఆయన అందరి హృదయాలలో క్షీరోదకశాయి విష్ణువుగా ఉన్నాడు. అందరూ ఏమి చేస్తున్నారో ఆయనకు తెలుసు. కానీ రుక్మిణి, ఆయనకు తెలియని ఒక విషయం ఉందని ఎందుకు చెప్పావు? నీకు తెలుసా? కృష్ణునికి కూడా తెలియని విషయం ఏదైనా నీకు తెలుసా? రుక్మిణి శ్రీకృష్ణునితో ఇలా చెప్పింది, “ మీ భక్తులు మిమ్మల్ని ఎంతగా ప్రేమిస్తారో , ఏ విధంగా ప్రేమిస్తారో మీకు తెలియదు . ఎందుకంటే మీకంటే గొప్పవారు ఎవరూ లేరు.” మాకు మార్గం తెలుసు, మేము తెలుసుకోగలం, రాధారాణికి తెలుసు. కృష్ణుడు ఆశ్చర్యపోయాడు, నిజంగా ఆయనకు తెలియని విషయం ఏదో ఉంది. అప్పుడు ఆయన, ఇక్కడ పశ్చిమ భారతదేశంలో, కలియుగంలో నేను నా భక్తునిగా తిరిగి వస్తాను. నేను కలియుగంలో తిరిగి వస్తాను. నేను కలియుగంలో తిరిగి వస్తాను . అలా ఆయన శ్రీ చైతన్య మహాప్రభువుగా తిరిగి వచ్చారు. మరియు శ్రీ నితాయ్‌గా కూడా. కలియుగంలో నేను ఎన్నడూ పాపం చేయలేదని చెప్పగల వ్యక్తి ఎక్కడున్నాడు? చైతన్య మహాప్రభువు కలియుగానికి ఎలాంటి ఆయుధాలతో రాలేదు, ఎందుకంటే ఆయన అందరినీ సంహరించవలసి వచ్చేది. కల్కి అవతారం వలె . పతితులైన ఆత్మలను ఉద్ధరించడానికి భగవంతుడు వచ్చాడు. కలియుగం ప్రారంభమైన 5000 సంవత్సరాల తరువాత, అందరూ భక్తులుగా ఉండే 10,000 సంవత్సరాల స్వర్ణయుగం వస్తుందని శ్రీకృష్ణుడు చెప్పాడు. మీరు ఈ స్వర్ణయుగాన్ని ముంబైకి తీసుకురావాలి!

ఈ రాత్రికి ఇది చాలు అనుకుంటాను. ఏమైనా ప్రశ్నలు ఉన్నాయా? సరే, నాలుగు ప్రశ్నలు.

ప్రశ్న : ఈ వయసులో మీకు ఎంతో ఆధ్యాత్మిక శక్తి ఉంది. ఈ శక్తిలో కొంచెమైనా నాలో ఎలా పెంపొందించుకోవాలి?

జయపతాకా స్వామి : చూడండి, శ్రీల ప్రభుపాదులు సుమారు 70 ఏళ్ల వయసులో పశ్చిమ దేశాలకు వెళ్లారు. ఒకవేళ శ్రీల ప్రభుపాదులు లేకపోయి ఉంటే ఏమై ఉండేది? అప్పుడు నా వయసు 18 లేదా 19 సంవత్సరాలు. శ్రీల ప్రభుపాదులు నన్ను రక్షించారు. నేను ఆయనకు కొంత రుణం తీర్చడానికి ప్రయత్నిస్తున్నాను. కృష్ణుని భక్తుడవ్వడం వల్ల ఎంతో ఆనందాన్ని పొందవచ్చు. కానీ చాలా మంది తాము ఏమి కోల్పోతున్నారో తెలుసుకోలేరు. నేను ఇంకేం చెప్పగలను?

♦ ♦ ♦ ♦

ప్రశ్న : రామచంద్ర కవిరాజ గోస్వామి తిరోగమన దినోత్సవం మరియు గోపాల భట్ట గోస్వామి ఆవిర్భావ దినోత్సవం గురించి మీ నుండి కొన్ని విషయాలు వినాలనుకుంటున్నాము. 

జయపతాకా స్వామి : గోపాల భట్ట గోస్వామి జన్మతః శ్రీ-సంప్రదాయానికి చెందినవారు, కానీ అతని తండ్రి శ్రీ చైతన్య ప్రభువుకు సేవ చేసేవారు. ఒకరోజు అతను కల కంటుండగా, శ్రీ చైతన్య ప్రభువు తన కార్యదర్శితో కనిపించారు. నవద్వీపంలో శ్రీ చైతన్య ప్రభువు తన సహచరులతో కలిసి దర్శనమిస్తే ఎంత ఆనందంగా ఉంటుందో అని అతను ఆలోచిస్తున్నాడు. ఏదో కారణం చేత శ్రీ చైతన్య ప్రభువు అతన్ని పిలుస్తున్నట్లు అనిపించింది. అప్పుడు శ్రీ చైతన్య ప్రభువు, శ్రీ కృష్ణుడే అని అతను గ్రహించాడు. ఏదేమైనా, అతను బృందావనానికి వెళ్ళాలని శ్రీ చైతన్య ప్రభువు నుండి ఆదేశాలు తీసుకున్నాడు . అతను అనేక గ్రంథాలు రచించాడు. మన సంస్కారాలన్నీ, సత్ -క్రియ-సార-దీపిక, ఇది గర్భదాన-సంస్కారాన్ని మరియు గృహస్థులకు అనేక ఇతర సంస్కారాలను కలిగి ఉంటుంది. అతను వాటిని వ్రాసాడు. తమిళనాడులోని శ్రీరంగంలో చైతన్య భగవానుడు బస చేసిన ఇల్లు.

రామచంద్ర కవిరాజు, నేను మీకు కొద్దిసేపట్లో చెబుతాను. ఆయన వివాహ దినాన, ఆయన ఒక సంపన్న బ్రాహ్మణుడు కావడం వలన, ఆయనను పల్లకిలో ఊరేగిస్తున్నారు. అది అకస్మాత్తుగా శ్రీవాస ఠాకూర్ మరియు శ్రీల నరోత్తమ దాస ఠాకూర్ గారి ఇంటి దగ్గర ఆగింది. వారు ఆయనను చూశారు, ఎంత అందమైన యువకుడు. [ఆడియో స్పష్టంగా లేదు] అతనికి పెళ్లి అవుతోందన్నది విచారకరం. రామచంద్ర కవిరాజు ఇది విన్నారు. కానీ ఆయన వెళ్లి వివాహం చేసుకున్నారు. ఆ తర్వాత ఆయన శ్రీనివాస ఠాకూర్ మరియు శ్రీల నరోత్తమ దాస ఠాకూర్ గారి వద్దకు తిరిగి వచ్చి, "మీరు నాకు ఏమి చెప్పాలనుకున్నారు?" అని అడిగారు . వారు కృష్ణ చైతన్యం గురించి ప్రబోధించారు. " ఇది న్యాయం కాదు, నీకు పెళ్లి అయింది, నువ్వు తిరిగి వెళ్ళు." ఆయన తిరిగి వెళ్లి తన భార్యతో, "నేను నీతో ఒక్క రోజు మాత్రమే ఉంటాను" అని చెప్పాడు. అందుకు ఆ భార్య , "ప్రతి భార్య అడిగే ప్రశ్ననే నేను అడగను. మీరు ఆధ్యాత్మిక పరిపూర్ణతను పొందారు కదా, దాని గురించి నాకు చెప్పండి" అని అడిగింది. అప్పుడు ఆయన ఆమెకు ఉపదేశించాడు, మరియు కృష్ణ చైతన్యం గురించి విని ఆమె చాలా కృతజ్ఞతతో నిండిపోయింది. ఆమె ఆయన పాదాలకు నమస్కరించగా, ఆమె నుదుటి నుండి కుంకుమం ఆయన పాదాలపై పడింది. ఆ తర్వాత రామచంద్ర కవిరాజు శ్రీల నరోత్తమ దాస ఠాకూరు వద్దకు తిరిగి వెళ్ళాడు. శ్రీల నరోత్తమ దాస ఠాకూరు, రామచంద్ర కవిరాజు రావడం చూశాడు, కానీ ఆయన పాదాలపై ఉన్న కుంకుమాన్ని గమనించాడు. ఆ తర్వాత, రామచంద్ర కవిరాజు తన భార్యకు మాత్రమే ఉపదేశించాడని వారికి తెలిసింది. శ్రీల నరోత్తమ దాస ఠాకూరు క్షమాపణ కోరాడు. మేము " రామచంద్ర-సంగ మాగే నరోత్తమ-దాస" అని గానం చేస్తాము . అందరూ ఆయన సాంగత్యాన్ని పొందాలనే ఉద్దేశ్యంతో మేము ఈ కీర్తన చేస్తాము. కాబట్టి, భార్యాభర్తలిద్దరూ కృష్ణ చైతన్యంలో ఉంటే, వారు సంతోషంగా కృష్ణునికి సేవ చేయగలరు. భౌతిక జీవితం చాలా అల్పమైనది. అందులో కొంత సుఖం, కొంత దుఃఖం ఉంటాయి. మనం ఆకాంక్షించే నిజమైన ఆనందం 'హరే కృష్ణ' జపించడం ద్వారా లభిస్తుంది.

హరిబోల్! జయ శ్రీల జయపతాక స్వామి గురుమహారాజ కీ! జయ! శ్రీల ప్రభుపాద కీ! జై!