20240708 ప్రశ్నోత్తరాల కార్యక్రమం

nama oṁ viṣṇu-pādāya kṛṣṇa-preṣṭhāya bhū-tale
śrīmate bhaktivedānta-svāmin ఇతి
నామినే నమస్ తే సారస్వతే దేవే గౌర-ప్రణాచారి
నిర్విశేష-శూన్యవాది-పాశ్చాత్య-దేశ-తారిణే

జయ శ్రీ-కృష్ణ-చైతన్య
ప్రభు నిత్యానంద
శ్రీ-అద్వైత గదాధర
శ్రీవాసాది-గౌర-భక్త-వృంద

హరే కృష్ణ హరే కృష్ణ
కృష్ణ కృష్ణ హరే హరే
హరే రామ హరే రామ రామ
రామ రామ హరే హరే

జయపతాకా స్వామి: నా వైద్యుడు హరి గురు గౌర దాస ఒక్క ప్రశ్న మాత్రమే అన్నారు. కానీ అది సరిపోదని నేను అనుకుంటున్నాను.

భక్తులు: హరిబోల్!!!

జయపతాక స్వామి: నాకు 2018వ సంవత్సరంలో కాలేయం మరియు మూత్రపిండాల మార్పిడి జరిగింది. గత ఏడాదిగా నా మూత్రపిండాలు ఇబ్బంది పెడుతున్నాయి. ఏదేమైనా, నేను ఈ ఉత్సవం కోసం ఇక్కడికి వచ్చాను, మీ కొన్ని ప్రశ్నలకు సమాధానం ఇవ్వడానికి నేను సంతోషిస్తాను.

ప్రశ్న: హరే కృష్ణ గురు మహారాజ. (గురు మహారాజ: హరే కృష్ణ!) రేపు నేను మీ దివ్య కృప నుండి దీక్ష తీసుకోబోతున్నాను. దీక్ష తీసుకునేటప్పుడు నా మనస్థితి ఎలా ఉండాలి?

జయపతాకా స్వామి: మనం దీక్ష స్వీకరించినప్పుడు కొన్ని ప్రతిజ్ఞలు చేస్తాము. కాబట్టి, మనం ఆ ప్రతిజ్ఞలను పాటించడానికి చాలా నిబద్ధతతో ఉండాలి.

ప్రశ్న: హరే కృష్ణ గురు మహారాజా. నా ఆధ్యాత్మిక గురువు మరియు శ్రీల ప్రభుపాదుల వారి ఆజ్ఞలను పాటించేంత దృఢ సంకల్పం నాకు లేదు. పరంపరకు చక్కగా సేవ చేయగలిగేలా ఆ దృఢ సంకల్పాన్ని ఎలా పెంపొందించుకోవాలి ? —మీ ఆకాంక్షగల సేవకుడు, శ్రీ గంగూలీ.

జయపతాకా స్వామి: మనం ప్రయత్నిస్తే కృష్ణుడు సాధారణంగా ప్రతిస్పందిస్తాడు.

ప్రశ్న: హరే కృష్ణ గురు మహారాజా! దయచేసి నా వినయ నమస్కారాలు స్వీకరించండి. ఈ గుండిచా ఆలయాన్ని బృందావనంగా ఎలా చూడవచ్చు? దయచేసి మీ మాటల ద్వారా ఆ దృక్పథాన్ని వివరించండి.

జయపతాకా స్వామి: చూడండి, కృష్ణుడు రాధారాణిని ఆహ్వానించి, “మీరు ద్వారకకు రండి, నేను మీకు ఒక రాజభవనాన్ని ఇస్తాను” అని చెప్పాడు. కానీ రాధారాణి, “మీరు వృందావనానికి తిరిగి వెళ్ళండి, అక్కడ ప్రేమగల భక్తులందరూ మీకు ఉంటారు” అని చెప్పింది.

తదుపరి ప్రశ్న. నేను పది తీసుకుంటాను.

ప్రశ్న: హరే కృష్ణ మహారాజా. దయచేసి నా వినయ నమస్కారాలు స్వీకరించండి. కామాన్ని ఎలా నియంత్రించుకోవాలి? కృష్ణునిపై అనురాగాన్ని ఎలా పెంచుకోవాలి? అలాగే, కృష్ణుని సేవ కోసం మనం భౌతిక వస్తువులను కోరుకుంటే, అది సరైనదేనా?

జయపతాకా స్వామి: భౌతిక ప్రపంచంలోని భోగాలను అనుభవించాలనే కోరికతో మనలోని కొద్దిపాటి కోరిక కూడా కలుషితమైతే, మనం మళ్ళీ ఈ భౌతిక ప్రపంచంలోనే జన్మించవలసి వస్తుంది. కాబట్టి, మనం కేవలం కృష్ణునికి సేవ చేయాలని కోరుకోవాలి. అప్పుడు మనం కృష్ణుని వద్దకు వెళ్తాము. భక్తి సేవలో కృష్ణునికి సేవ చేయడమే నిజమైన అమృతం.

జయపతాకా స్వామి : మనం ఎన్నింటికి సమాధానం ఇచ్చాము?

భక్తులు: ఐదుగురు

జయపతాకా స్వామి: మనం పది చేస్తాం. అంతే.

ప్రశ్న: హరే కృష్ణ మహారాజా. దయచేసి నా వినయ నమస్కారాలు స్వీకరించండి. నివారించడానికి ప్రయత్నించకుండా, చాలాసార్లు మనం ఏదో ఒక విధంగా భక్తులను కించపరిచే ధోరణిలోకి వెళ్ళిపోతాము మరియు ఎల్లప్పుడూ వారిని విమర్శించాలనే ప్రవృత్తి ఉంటుంది. నా ప్రశ్న ఏమిటంటే, భక్తుల గురించి విమర్శనాత్మకంగా ఆలోచించకుండా మరియు వారిని కించపరిచే ధోరణిలోకి వెళ్ళకుండా ఎలా ఉండాలి?

జయపతాకా స్వామి: మనం ఇతరులలోని మంచి గుణాలను చూడాలి. అప్పుడే మనం ఇతరులను నొప్పించకుండా ఉంటాము.

ప్రశ్న: హరే కృష్ణ గురు మహారాజా. దయచేసి నా వినయ నమస్కారాలు స్వీకరించండి. (AGTSP) శ్రీల ప్రభుపాదులకు సర్వ కీర్తులు! (AGTSGAG) శ్రీ గురు మరియు గౌరాంగులకు సర్వ కీర్తులు! మీ నిష్కారణ కరుణకు చాలా ధన్యవాదాలు. మీరు మీ జీవితంలో ఆరంభం నుండి నేటి వరకు ఎన్నో కష్టాలను అనుభవించారు. 1989లో మీపై దాడి జరిగింది, 2008లో పక్షవాతం వచ్చింది, హెపటైటిస్-సి సోకింది, ఆ తర్వాత 2018లో కాలేయం మరియు మూత్రపిండాల మార్పిడి చేయించుకున్నారు. ఇప్పుడు ప్రతి వారం డయాలసిస్ చేయించుకుంటున్నారు. 75 సంవత్సరాలుగా శరీరం, మనస్సు మరియు మాటలతో శ్రీ గురు మరియు గౌరాంగుల ప్రీతి కోసం సేవ చేసిన తర్వాత, మీకు అన్యాయం జరిగిందని అనిపించడం లేదా? వీటన్నిటినీ మీరు కృష్ణుని కరుణగా ఎలా చూడగలుగుతున్నారు?— మీ సేవకుడు.

జయపతాకా స్వామి: నేను శ్రీల ప్రభుపాదులకు ఉన్న రుణాన్ని ఎలా తీర్చగలనో అని ఆలోచిస్తున్నాను.

తదుపరి ప్రశ్న.

ప్రశ్న: హరే కృష్ణ గురు మహారాజ. దండవత్ ప్రణామ. జీవితపు చివరి దశలో ఇస్కాన్‌తో అనుబంధం ఉన్న వ్యక్తి, మరణ సమయంలో హరే కృష్ణ మహామంత్రాన్ని జపిస్తే, కానీ వారికి దీక్ష లేదా గురువుతో అనుబంధం లేకపోతే , వారు భగవద్ధామానికి తిరిగి వెళ్ళగలరా? — మంథన్ నుండి.

జయపతాకా స్వామి: మరణ సమయంలో భగవంతుని నామాన్ని స్మరిస్తే, భగవంతుని వద్దకు చేరుకుంటారని కృష్ణుడు చెప్పాడు. అజామిలుని చరిత్రలో, అతను తన చిన్న కుమారుడైన నారాయణుని నామాన్ని జపించగా, విష్ణుదూతుల వలన రక్షింపబడ్డాడు. అతనికి దీక్ష లేదు. అతను ఎన్నో పాపాలు చేశాడు. కేవలం తన కుమారుని నామాన్ని స్మరించడం ద్వారానే అతను మోక్షం పొందాడు. కానీ, ‘ఈ భక్తి అంతా నేనే ఎందుకు , మరణ సమయంలో కృష్ణుని నామాన్ని స్మరిస్తే చాలు’ అని ఎవరైనా అనుకుంటే, అది అంత సులభం కాదు! అజామిలుడు తన కుమారుడైన నారాయణుని నామాన్ని స్మరించగా మోక్షం పొందాడు. కానీ అతను (జపాన్ని మానుకుని, జీవితాంతం జపిద్దామని) అలాంటి ప్రణాళిక వేసుకోలేదు.

ఎన్ని ప్రశ్నలు?

భక్తులు: ఇది 8 ^వ ప్రశ్న

జయపతాకా స్వామి: సమయం ఎంత అయింది?

భక్తుడు: 10:40 (రాత్రి)

ప్రశ్న: ప్రియమైన గురు మహారాజా, మీ సాంగత్యం కోసం వచ్చినందువల్ల కుటుంబం నుంచి ఏవైనా అడ్డంకులు ఎదురైనప్పుడల్లా, నేను వారితో ఎదురుతిరిగి గొడవపడాలనిపిస్తుంది. దీనివల్ల నాకు అపరాధ భావన కలుగుతుంది. అటువంటి సందర్భంలో నా ప్రవర్తన ఎలా ఉండాలో నాకు అర్థం కావడం లేదు. దయచేసి నాకు మార్గదర్శనం చేయండి. —మీ గారాబపు ఆధ్యాత్మిక కుమార్తె, సాక్షి.

జయపతాకా స్వామి: కాబట్టి మీరు వారిని ఇక్కడికి రమ్మని ఆహ్వానించవచ్చు. మీరు చాలా మంచి కుమార్తె అయితే, మరియు కృష్ణుని గురించి వారు వినాలని కోరుకునేది ఇదే ఒక్క విషయమైతే, వారు దానిని సహించాలి. ఏదేమైనా, మీరు ఇక్కడికి వచ్చినందుకు నేను చాలా కృతజ్ఞుడను.

రేపు నేను దాదాపు రోజంతా ఇక్కడే గడపాలని అనుకుంటున్నాను.

అచింత్య చైతన్య దాస: రేపు గురుసదై రోడ్డులోని హాలులో దీక్ష జరుగుతుంది, ఆ తర్వాత సాయంత్రం గురు మహారాజు ఇక్కడికి వస్తారు.

జయపతాకా స్వామి: ఇంకా ఏమైనా ప్రశ్నలు ఉన్నాయా?

భక్తులు: మేము ప్రశ్నలన్నింటినీ చదివాము

సుచితేంద్రియ దాస: గురు మహారాజు గారి మంచి ఆరోగ్యం కోసం మనమందరం హరే కృష్ణ మహా-మంత్రాన్ని జపిద్దాం.

భక్తులు: హరే కృష్ణ, హరే కృష్ణ, కృష్ణ కృష్ణ, హరే హరే/ హరే రామ, హరే రామ, రామ రామ, హరే హరే

జయ జగన్నాథా! జయ బలదేవా! జయ సుభద్ర!

జయ జయ శ్రీ శ్రీమద్ జయపతాక స్వామి గురు మహారాజ కీ జయ!