20200830 మధురాదేశ భక్తులతో జూమ్ సమావేశం

ఈ క్రిందిది భారతదేశంలోని శ్రీ ధామ మాయాపూర్‌లో, 2020 ఆగస్టు 30వ తేదీన పరమ పూజ్య జయపతాకా స్వామి మహారాజు గారితో జరిగిన జూమ్ సమావేశం. మధురదేశ భక్తులతో జూమ్ సమావేశం.

మూకం కరోతి వాచలం పంగుం లంగయతే గిరిం
యత్-కృపా తమ్ అహం వందే శ్రీ-గురుం దీన-తారణం
పరమానందం మాధవ్ చతరణం

హరిః ఓం తత్ సత్!

జయపతాకా స్వామి : నిజానికి ఈ రోజు మాయాపురంలో వామన ద్వాదశి. మీకు కష్టంగా అనిపిస్తే, చేతులు పైకెత్తండి. చూడండి, మనం చదువుకుంటున్నాం కదా, శచీ మాతతో గౌరాంగ ప్రభువు మాట్లాడుతూ, ఆమె ఎన్నో ఎన్నో జన్మల నుండి తన తల్లి అని చెప్పారట. ఆమె పృశ్నిగర్భ రూపంలో ఆయనకు తల్లి, వామనదేవుని తల్లి అయిన అదితి రూపంలో కూడా ఆయనకు తల్లి. మరి ఈ రోజు వామనదేవుని ఆవిర్భావ దినం. వామనదేవుడు ఒక పొట్టి బ్రాహ్మణుడిగా వచ్చి బలి మహారాజును మూడు అడుగుల భూమిని యాచించాడు. దానికి బలి మహారాజు, “నేను నీకు భూమి అంతా ఇవ్వగలను, నీకు కేవలం మూడు అడుగులే ఎందుకు కావాలి?” అని అడిగారు. దానికి బలి మహారాజు (వానముడు), “నాకు మూడు అడుగుల భూమి దొరికినా చాలు, మరేదీ నన్ను సంతృప్తిపరచదు,” అని బదులిచ్చారు. కాబట్టి, బలి ఆయనకు మూడు అడుగుల భూమిని ఇవ్వడానికి అంగీకరించాడు. కానీ అతని గురువైన శుక్రాచార్యుడు, “ఆయనకు ఇవ్వవద్దు, ఆయన విష్ణువు, ఆయన అంతా తీసుకుంటాడు” అని చెప్పాడు. అయితే బలి, “నేను ఇప్పటికే వాగ్దానం చేశాను, నా వాగ్దానాన్ని నేను ఎలా వెనక్కి తీసుకోగలను?” అన్నాడు. అప్పుడు శుక్రాచార్యుడు, శాస్త్రం ప్రకారం అబద్ధం చెప్పడానికి చెప్పగల వివిధ కారణాలన్నింటినీ వివరించాడు . ఈ కారణాలలో ఒకదాన్ని ఉపయోగించి నీ వాగ్దానాన్ని వెనక్కి తీసుకోమని చెప్పాడు. కానీ బలి మహారాజు, తన మాటకు కట్టుబడి ఉన్నాడు. కాబట్టి వామనదేవుడు, తనను తాను త్రివిక్రమంగా విస్తరించుకున్నాడు. ఒక అడుగుతో ఆయన భూమండలం మొత్తాన్ని, మరో అడుగుతో ఉన్నత గ్రహాలన్నింటినీ తీసుకుని విశ్వపు పొరను ఛేదించాడు. ఆ తర్వాత ఆయన విశ్వపు పొరను ఛేదించగా, ఆయన పద్మ పాదప్రవాహంగా, చరణామృతంగా కారణ సముద్రం ప్రవేశించింది. శివుని శిరస్సుపై చిక్కుకున్నది గంగామాతే. కాబట్టి, త్రివిక్రముడు బలిని, “నా చివరి అడుగు ఎక్కడ వేయాలి?” అని అడిగాడు. ఎందుకంటే, ఆయన తన రెండు అడుగులతోనే బలి మహారాజు యొక్క రాజ్యమంతటినీ అప్పటికే ఆక్రమించుకున్నాడు. అప్పుడు బలి, “దాన్ని నా శిరస్సుపై పెట్టండి!” అని అన్నాడు. బలియే యథార్థమైన ఇంద్రుడు అవుతాడు.

తల్లి శచీ, కపిల ముని తల్లి అయిన దేవహూతి వలె, శ్రీకృష్ణుని తల్లి అయిన దేవకి వలె ఉండేది. అలాగే శ్రీ చైతన్య మహాప్రభువు, “జన్మజన్మలకు నువ్వే నా తల్లివి” అని అన్నారు . శ్రీ చైతన్య మహాప్రభువు సన్యాసం స్వీకరించబోతున్నారు . ఆయన తన తల్లితో, “నీకు నేను ఎప్పుడు కావాలంటే అప్పుడు, నువ్వు కోరుకుంటే చాలు, నేను అక్కడ ఉంటాను, నేను వస్తాను. కానీ ఆందోళన పడకు” అని చెప్పారు.

అలాగే, ఈ రోజు శ్రీల జీవ గోస్వామి వారి ఆవిర్భావ దినోత్సవం కూడా. శ్రీల జీవ గోస్వామి షష్ఠ గోస్వాములలో ఒకరు. ఆయన రూప మరియు సనాతనుల చిన్న మేనల్లుడు. తన ఆధ్యాత్మిక గురువుకు సేవ చేయడానికి తాను విద్యావంతుడిగా ఉండాలనే ఉద్దేశ్యంతో ఆయన విశ్వవిద్యాలయానికి వెళ్లారు. ఆయన శ్రీల రూప గోస్వామి నుండి దీక్షను, శ్రీల సనాతన గోస్వామి నుండి శిక్షను స్వీకరించారు. కాబట్టి, కొన్నిసార్లు మన పిల్లలు, “నా విద్యను ఎలా సమన్వయం చేసుకోవాలి, చదువు మరియు ఆధ్యాత్మిక జీవితం మధ్య ఎలా సమతుల్యం చేసుకోవాలి?” అని అడుగుతుంటారు . మన విద్యను కూడా కృష్ణునికి మనం అర్పించే ఒక అర్పణగా చూడాలి. మరియు మన విద్యను ఒక భక్తి సేవగా భావించాలి. అలాగే, మనం చేసే ప్రతి పనిలోనూ ఎల్లప్పుడూ కృష్ణుడిని స్మరించుకోవాలి. శ్రీ చైతన్య ప్రభువు కీర్తన చేస్తూ, ప్రజలను తన ఇంటికి రమ్మని వాగ్దానం చేశారు. వారందరూ పుష్పమాలలు, చందనం తీసుకువచ్చి సాష్టాంగ నమస్కారాలు, దండవత్ ప్రణామాలు సమర్పించగా, శ్రీ చైతన్య ప్రభువు ఇలా అన్నారు: “ బోలో-కృష్ణ ” – కృష్ణ నామాన్ని జపించండి, “ భజ-కృష్ణ ” – శ్రీకృష్ణుడిని పూజించండి, “ కర-కృష్ణ-శిక్షా ” – కృష్ణుని బోధనలను అధ్యయనం చేయండి – ఆయన రెండు బోధనలు , ఒకటి శ్రీకృష్ణుడు చెప్పిన భగవద్గీత, మరొకటి శ్రీకృష్ణుని గురించి చెప్పబడిన శ్రీమద్భాగవతం .

ఇప్పుడు భాద్ర పూర్ణిమకు రెండు రోజులు మాత్రమే మిగిలి ఉన్నాయి. శ్రీమద్భాగవతం ప్రాయోజకత్వం లేదా పంపిణీ కోసం ఎంత మంది భక్తులు ప్రతిజ్ఞ చేశారో నాకు తెలియదు . శ్రీకృష్ణ భగవానుని ఆశీస్సులు పొందడానికి ఇది ఒక గొప్ప అవకాశం. ఆయన సాహిత్యావతారాన్ని, ఆయన శబ్దావతారాన్ని ప్రసాదించడానికి ఇది ఒక మంచి అవకాశం .

ఏదేమైనా, శ్రీ చైతన్య ప్రభువు తల్లి శచీ జన్మజన్మాంతరాల నుండి తన తల్లి అని చెబుతుండేవారు. ఇంద్రియ సుఖాలను మన జీవిత లక్ష్యంగా చేసుకోకూడదని శ్రీమద్భాగవతం మనకు చెబుతుంది. ఈ భౌతిక ప్రపంచంలో ప్రతి ఒక్కరూ ఇంద్రియ సుఖాన్నే తమ జీవిత లక్ష్యంగా పెట్టుకోవడం మనం చూస్తున్నాం. అందుకే మనకు శరీరాలు ఉన్నాయి, మన భౌతిక శరీరం కొన్నిసార్లు సుఖాన్ని, కొన్నిసార్లు దుఃఖాన్ని అనుభవిస్తుంది. ఇప్పుడు కరోనా వైరస్ మహమ్మారితో, చాలా మంది బాధపడుతున్నారు. కొందరు చనిపోతున్నారు. ఈ భౌతిక ప్రపంచం నివసించడానికి అంత మంచి ప్రదేశం కాదు. మనం ఉండాలనుకునే ప్రదేశం ఇది కాదని మనకు గుర్తు చేయడానికి , ఈ భౌతిక శక్తి మనకు బాధను కలిగిస్తోంది . మనం తిరిగి మన ఇంటికి, భగవంతుని వద్దకు వెళ్లాలనుకుంటున్నాము. కాబట్టి మనం బాధపడినా, లేదా కొన్నిసార్లు ఆనందించినా, అది మన జీవిత లక్ష్యం కాకూడదు. ఆధ్యాత్మిక జీవితాన్ని, ఆధ్యాత్మిక ఆనందాన్ని, పారవశ్యాన్ని అనుభవించడమే మన లక్ష్యం కావాలి . కృష్ణునిపై ప్రేమ కలిగి ఉండాలి. భౌతిక సుఖం వస్తుంది, సుఖం పోతుంది. అలాగని. కాబట్టి, మనం భక్తి యోగం చేస్తాము, మనం ఎల్లప్పుడూ కృష్ణుడిని స్మరించుకోవాలి మరియు కృష్ణుడిని ఎన్నటికీ మరచిపోకూడదు. శ్రీ చైతన్య ప్రభువు ఇలా ఉపదేశించారు: మీరు విశ్రాంతి తీసుకుంటున్నప్పుడు, భోజనం చేస్తున్నప్పుడు, మేల్కొని ఉన్నప్పుడు, ప్రతిసారీ మీరు ఎల్లప్పుడూ శ్రీ కృష్ణుడిని స్మరించాలి. కాబట్టి ఇది ఆయన ఉపదేశం మరియు ప్రజలు ఆయన సౌందర్యాన్ని చూసి, ఆయన ఉపదేశాలను విని, హరిబోల్! హరిబోల్! హరిబోల్! అని జపించారు. వారు శ్రీ చైతన్య ప్రభువు సేవలో అపారమైన పారవశ్యాన్ని అనుభూతి చెందారు! కాబట్టి భక్తులందరూ ఈ ఆధ్యాత్మిక ఆనందాన్ని అనుభవించాలని మేము కోరుకుంటున్నాము మరియు భౌతిక ప్రపంచంలో దుఃఖం ఉంటుంది, సుఖం ఉంటుంది. రెండూ ఉంటాయి. మనం మరిన్ని జన్మల కోసం ఇక్కడే ఉండాలని ప్రణాళిక వేసుకోకూడదు. ఈ రోజు ఎవరి పుట్టినరోజు ఉందో నాకు తెలియదు. అంటే ఈ రోజు శ్రీల జీవ గోస్వామి మరియు వామనదేవునిది. ఒకవేళ ఇదే మీ చివరి జన్మ అయితే, మీరు మరణం, జననం, వృద్ధాప్యం, వ్యాధి, బాధలు లేని ఆధ్యాత్మిక లోకానికి తిరిగి వెళ్లాలని మేము ఆశిస్తున్నాము. అక్కడ ఒకరు భగవంతుని ప్రేమమయ సేవలో పూర్తిగా నిమగ్నమవ్వగలరు. మనం ఈ లోకంలో భగవంతునికి భక్తి సేవను అభ్యాసం చేస్తే, అప్పుడు మన హృదయంలో నిద్రాణంగా ఉన్న కృష్ణుని పట్ల ప్రేమ సహజంగానే మేల్కొంటుంది, ఆ తర్వాత మనం తిరిగి వెళ్లి ఎల్లప్పుడూ కృష్ణునికి సేవ చేయాలని కోరుకుంటాము. హరే కృష్ణ!

ఈ పవిత్రమైన వామన ద్వాదశి రోజున మీకు చాలా ధన్యవాదాలు. ఆస్ట్రేలియాలో కూడా ఇది వామన ద్వాదశి అవునో కాదో నాకు తెలియదు, కానీ ఇక్కడ మాత్రం అలాగే. ఏమైనా ప్రశ్నలు ఉన్నాయా?

హరిబోల్! హరే కృష్ణ! గురుమహారాజా! హరే కృష్ణ!

ప్రశ్న : ఈ రోజు మేము శ్రీమద్భాగవతంలోని వామనదేవుని లీల చదువుతుండగా , దాని తాత్పర్యంలో భూమాత అసత్యభారాన్ని అనుభవిస్తోందని శ్రీల ప్రభుపాద పేర్కొన్నారు. కలియుగ లక్షణాలలో ఇది కూడా ఒకటి అయినప్పుడు, ఈ కలియుగంలో దానిని మనం ఎలా తగ్గించగలం అనేది నా ప్రశ్న.

జయపతాకా స్వామి : ధార్మికతకు నాలుగు పాదాలు ఉన్నాయి, చివరి పాదం సత్యసంధత. కలియుగంలో ఇంకా కొంత సత్యసంధత మిగిలి ఉంది. తపస్సు, పరిశుభ్రత, కరుణ – కరుణ లేకపోయినా, కొంత సత్యసంధత ఉంది. మేము దానిని ప్రోత్సహించాలనుకుంటున్నాము. ప్రజలు హరే కృష్ణ అని జపిస్తే, ధార్మికతకు సంబంధించిన అన్ని గుణాలు వృద్ధి చెందుతాయి. మనం ప్రజలతో జపించేలా చేస్తే, సత్యసంధత మరియు ఇతర గుణాలు సహజంగానే వృద్ధి చెందుతాయి. మీరేమనుకుంటున్నారు?

భక్తులు : గురు మహారాజా, అది చాలా గొప్ప విషయం అని నేను అనుకుంటున్నాను. అనుసరించని వారి విషయానికి వస్తే, వారిని హరినామం చేయడానికి ప్రోత్సహించి, వారి చైతన్యాన్ని ఉన్నతీకరించడమే మన పాత్ర. బహుశా అదొక మార్గం కావచ్చునా?

జయపతాకా స్వామి : మీరు నా జయపతాకా స్వామి యాప్‌ను డౌన్‌లోడ్ చేసుకున్నారా? (భక్తులు: అవును, చేసుకున్నాను, ధన్యవాదాలు). నేను భక్తి తీర్థ స్వామి వారి వీడియోను ఇచ్చిన సందేశాన్ని మీరు చూశారా? ఆయన ఖురాన్ మరియు బైబిల్‌ను ఉటంకించారు, అన్ని గ్రంథాలు భగవత్ నామాన్ని జపించాలని చెబుతున్నాయి. కాబట్టి, ప్రజలు హరే కృష్ణ జపించకపోతే, మరియు వారు ముస్లింలు లేదా క్రైస్తవులు అని చెబితే, అప్పుడు వారు భగవత్ నామాన్ని ఎలా జపించాలో బైబిల్, ఖురాన్‌లోని ఈ వచనాలను మీరు ఉటంకించవచ్చు.

హరిబోల్!