20200916 ఉత్కళ భక్తులతో జూమ్ సమావేశం

ఈ క్రిందిది భారతదేశంలోని శ్రీ ధామ మాయాపూర్‌లో, 2020 సెప్టెంబర్ 16వ తేదీన పరమ పూజ్య జయపతాకా స్వామి మహారాజు గారితో జరిగిన ఉత్కళ భక్తుల జూమ్ సమావేశం.

nama oṁ viṣṇu-pādāya kṛṣṇa-preṣṭhāya bhū-tale
śrīmate bhaktivedānta-svamin iti namine

నమస్ తే సరస్వతే దేవే గౌర-వాణి-ప్రచారిణే
నిర్విశేష-శూన్యవాది-పాశ్చత్య-దేశ-తారిణే

మూకం కరోతి వాచలం పంగుం లంగయతే గిరిం
యత్-కృపా తమ్ అహం వందే శ్రీ-గురుం దీన-తారణం
పరమానందం మాధవ్ చతరణం

హరిః ఓం తత్ సత్!

జయపతాకా స్వామి : నేను చెప్పేది ఏదైనా మీరు ఒడియాలోకి అనువదిస్తారా? ప్రతి 32 నెలలకు ఒకసారి చాంద్రమాసం, సౌరమాసం కలిసినప్పుడు ఒక అదనపు మాసం ఉంటుంది. ఆ మాసానికి పేరు లేదు. ఎందుకంటే ఆ మాసంలో పుణ్యకార్యాలు జరగవు. అందుకే స్మార్తులు దానిని మల, అపవిత్రమైనది అని అంటారు. ఆ మాసమే కృష్ణుని వద్దకు వెళ్ళగా , కృష్ణుడు, “నేను నీకు ఆశ్రయం ఇస్తాను. ఈ రోజు నుండి నీ పేరు పురుషోత్తమ మాసం అవుతుంది. మరియు నువ్వే అన్ని మాసాలకు రాజువి” అని అన్నాడు. అన్ని మాసాలలో ఎంత పుణ్యకర్మ చేసినా, పురుషోత్తమ మాసం వల్ల కలిగే ప్రయోజనంలో 1/16వ వంతుతో కూడా పోల్చలేము. ఈ పురుషోత్తమ మాసం భక్తి సేవ చేయడానికి ఉద్దేశించబడింది . మనం ఈ మాసాన్ని పాటిస్తే, ఈ జీవితం చివరిలో వైకుంఠానికి లేదా గోలోకధామానికి తిరిగి వెళ్ళవచ్చు. ఈ మాసానికి ప్రత్యేక ప్రయోజనాలు ఉన్నాయి. ఈ మాసాన్ని ఆచరించే వారు, దీక్ష పొంది 16 జపాలు చేసి, కృష్ణ ప్రసాదం స్వీకరిస్తే, వారు తమ జీవితాన్ని చాలా ప్రశాంతంగా గడిపి, జీవితాంతం భగవద్ధామానికి తిరిగి వెళతారు. ఈ మాసంలో, ప్రతిరోజూ మనం నెయ్యి దీపాన్ని సమర్పించి రాధాకృష్ణులను పూజించాలి. ఒకవేళ ఏదైనా కారణం చేత మీరు నెయ్యి దీపాన్ని సమర్పించలేకపోతే, నూనె దీపాన్ని సమర్పించవచ్చు. ఈ మాసంలో 33 సార్లు జపించవలసిన ఒక మంత్రం ఉంది. దీక్ష పొందని వారు, 16 జపాలు చేయని వారు, ఈ మాసంలో శాకాహారులుగా ఉండి కృష్ణ ప్రసాదం స్వీకరించడానికి ప్రయత్నించడం మంచిది. జపం చేసేవారు, తమ జపాల సంఖ్యను పెంచుకోవడానికి ప్రయత్నించాలి. జపం చేయని వారు, క్రమంగా ఒకటి లేదా రెండు లేదా నాలుగు నుండి ఎనిమిది సార్లు జపించడానికి ప్రయత్నించాలి . ఈ మాసంలో ప్రతి ఒక్కరూ శాకాహారులుగా ఉండటానికి ప్రయత్నించాలి. వారు మాంసం, చేపలు, గుడ్లు, వెల్లుల్లి, ఉల్లిపాయలు తినకూడదు. ఈ మాసంలో ఆవనూనెకు దూరంగా ఉండాలి. ఈ మాసంలో మంచం మీద పడుకోకూడదు మరియు కృష్ణ-ప్రసాదం తప్ప మరేమీ తినకూడదు. అబద్ధాలు చెప్పడం మానుకోవాలి. మరియు భక్తులను విమర్శించకూడదు. ఈ విధంగా, ఇప్పుడు దీక్ష పొందినవారు రాధాకృష్ణులకు 16 ఉపచారాలతో పూజలు సమర్పించవచ్చు . దీక్ష పొందనివారు కేవలం ఆరతి చేస్తే సరిపోతుంది. ఆ తర్వాత మాసం చివరలో కొంతమంది బ్రాహ్మణులకు ప్రసాదం సమర్పించాలి . మరియు 33 మాల్పులు తయారు చేసి ఒక గృహస్థ బ్రాహ్మణునికి దానంగా సమర్పించాలి . రాధాకృష్ణులు ఈ మాసానికి అధిదేవతలు. దామోదర మాసంలో బాలకృష్ణుడు, యశోదమ్మ ప్రత్యేక దేవతలుగా ఉంటారు. ఎవరికైనా ఏమైనా ప్రశ్నలు ఉన్నాయా?

మీకు వీలైతే దానధర్మాలు చేసి ప్రసాదం పంచడం చాలా మంచిది.